Mae Gwirfoddolwyr y Mileniwm yn fenter ar hyd y DU gyfan sydd wedi ei lunio i hyrwyddo ac adnabod gwirfoddoli ymysg pobl ifanc rhwng 16-24 oed.

Amcanion Gwirfoddolwyr y Mileniwm

• Cynnig cyfleoedd gwirfoddoli heriol a diddorol i bob person ifanc.
  
• Galluogi pobl ifanc i ennill sgiliau a gwybodaeth newydd, ac i ddatblygu’n bersonol.
  
• Cynyddu cydnabyddiaeth o wirfoddoli ymysg pobl ifanc yn y gymuned.
  
• Gosod safon ar gyfer cyfleoedd gwirfoddoli yng Nghymru.
  
• Effaith cadarnhaol o fewn cymunedau lleol.
  
• Annog perchnogaeth y rhaglen i bobl ifanc.

Beth sydd angen ei wneud?

• Rydych yn gwneud ymrwymiad i wirfoddoli am 200 awr.
• Gallwch ddewis gweithio mewn sefydliadau neu grwpiau gwirfoddol, neu lunio a rhedeg prosiect eich hun gyda’ch ffrindiau.
• Gallwch wneud unrhyw beth fydd hyn helpu eich hun, eich grŵp a’r gymuned er enghraifft:
  • Gweithio ar brosiect amgylcheddol
    
  • Prosiect Celfyddydol
    
  • Hyfforddi gweithgaredd chwaraeon
    
  • Trefnu drama ar gyfer y gymuned
    
  • Helpu i wrthsefyll camdriniaeth cyffuriau ac alcohol
    
  • Ymgyrchu am achos da
    
  • Sefydlu gweithgaredd ieuenctid newydd yn eich cymuned

Beth fyddwch chi’n ei elwa o hyn?

Pan fyddwch wedi gwirfoddoli am 100 awr byddwch yn derbyn tystysgrif i adnabod eich cyfraniad. Os byddwch yn gwirfoddoli am 200 awr byddwch yn derbyn Gwobr Rhagoriaeth gan Brif Weinidog, Llywodraeth Cynulliad Cymru, i gydnabod eich gwaith caled a’ch ymrwymiad.

Mae’n ffordd hwylus i gyfarfod pobl newydd, datblygu sgiliau personol a chael profiad gwaith gwerthfawr.

Bydd eich llwyddiannau yn cael eu hadnabod gan gyflogwyr, colegau a chymunedau lleol. Gall felly eich helpu i fynd i goleg neu gael swydd.

Os oes gennych ddiddordeb ymuno â chynllun Gwirfoddolwyr y Mileniwm a rhwng 16 a 24 oed, rhowch ganiad i staff y Ganolfan Gwirfoddoli am ragor o wybodaeth.